Master Practical Skills for Global Success

1. ക്ലാസ്സിൽ പരിപൂർണ്ണ അച്ചടക്കം പാലിക്കേണ്ടതാണ്.

2. അദ്ധ്യാപകർ പറഞ്ഞുതരുന്ന തിയറി/പ്രാക്ടിക്കൽ ക്ലാസ്സുകൾ ശ്രദ്ധാപൂർവ്വം മനസ്സിലാക്കേണ്ടതാണ്.

3. വാക്കാലോ പ്രവർത്തിയാലോ അദ്ധ്യാപകർക്ക് ബുദ്ധിമുട്ടുണ്ടാക്കുന്ന തരത്തിലുള്ള യാതൊരു നടപടികളും വിദ്യാർത്ഥികളിൽ നിന്നുണ്ടാകാൻ പാടില്ല.

4. ഗൃഹപാഠം തയ്യാറാക്കൽ, എഴുത്ത്, കൃത്യനിർവ്വഹണം, അച്ചടക്കം എന്നിവയിൽ വീഴ്ച വരുത്തുന്നതായി അദ്ധ്യാപകന് തോന്നുന്ന പക്ഷം വിദ്യാർത്ഥികളുടെ മേൽ അച്ചടക്ക നടപടി എടുക്കുവാൻ അദ്ധ്യാപകന് പൂർണ്ണ അധികാരമുണ്ട്.

5. ഏതെങ്കിലും അദ്ധ്യാപകരുടെ മേൽ പരാതിയുണ്ടായാൽ ആയത് പ്രിൻസിപ്പാൾ/മാനേജിംഗ് ഡയറക്ടർ മുമ്പാകെ മാത്രം പരാതിപ്പെടേണ്ടതാണ്.

6. പരിശീലനസമയത്ത് സ്ഥാപനത്തിലെ ഏതെങ്കിലും സാധനങ്ങൾ കേടുവരുത്തുകയോ നഷ്ടപ്പെടുത്തുകയോ ചെയ്താൽ പിഴയടക്കേണ്ടതാണ്.

7. ഇൻസ്റ്റിറ്റ്യൂട്ടിലോ പരിസരത്തോ പുകവലി, മുറുക്കാൻ, ലഹരി പദാർത്ഥങ്ങളുടെ ഉപയോഗം എന്നിവ കർശനമായി നിരോധിച്ചിരിക്കുന്നു.

8. വിദ്യാർത്ഥികൾ ക്ലാസ് ആരംഭിക്കുന്നതിന് 10 മിനിറ്റ് മുമ്പ് മാത്രം വരികയും ക്ലാസ് കഴിഞ്ഞാലുടൻ നിശ്ശബ്ദരായി പുറത്തുപോകേണ്ടതുമാണ്.

9. ഇടവേളകളിൽ റോഡിലോ സമീപത്തെ കടകളിലോ അനാവശ്യമായി ചുറ്റിക്കറങ്ങാൻ പാടില്ല.

10. ഏതെങ്കിലും ക്ലാസ് തടസ്സപ്പെട്ടാൽ വിദ്യാർത്ഥികൾ നിശ്ശബ്ദരായി പാഠ്യവിഷയങ്ങൾ നോക്കി ക്ലാസ്സിലിരിക്കേണ്ടതാണ്.

11. മനസ്സിലാകാത്ത ഭാഗങ്ങൾ അദ്ധ്യാപകരോട് പ്രത്യേകം ചോദിച്ച് മനസ്സിലാക്കണം.

12. അദ്ധ്യാപകർ തരുന്ന നിർദ്ദേശങ്ങൾ വിദ്യാർത്ഥികൾ കർശനമായും പാലിക്കേണ്ടതാണ്.

13. ഫീസുകൾ കൃത്യസമയത്ത് അടക്കേണ്ടതാണ്. വീഴ്ച വരുത്തിയാൽ ക്ലാസ്സിൽ പ്രവേശനമുണ്ടായിരിക്കുന്നതല്ല.

14. മാസത്തവണകൾ മുടക്കം വരുത്തിയാൽ തൊട്ടടുത്ത മാസം ഫീസ് ഇരട്ടിയായി അടക്കേണ്ടതാണ്.

15. ഒരിക്കൽ അടച്ച ഫീസ് യാതൊരു കാരണവശാലും തിരികെ നൽകുകയോ മറ്റ് ഇനങ്ങളിലേക്ക് മാറ്റുകയോ ചെയ്യില്ല.

16. ഫീസടക്കാതെയോ മറ്റ് കാരണങ്ങളാലോ പുറത്താക്കപ്പെടുന്ന കുട്ടികൾ സ്ഥാപന പരിസരങ്ങളിൽ അലഞ്ഞുതിരിയാൻ പാടില്ല.

17. യോഗ്യത സർട്ടിഫിക്കറ്റുകൾ അഡ്മിഷൻ സമയത്ത് സമർപ്പിക്കണം. അവ കോഴ്സ് തീരും മുമ്പ് തിരികെ ആവശ്യപ്പെടാൻ പാടില്ല.

18. കോഴ്‌സ് പകുതിക്ക് വെച്ച് നിർത്തുന്നവർക്കോ പുറത്താക്കപ്പെടുന്നവർക്കോ കോഴ്‌സ് സർട്ടിഫിക്കറ്റുകൾ ലഭിക്കില്ല.

19. പഠനം മുടക്കുന്നവരും പുറത്താക്കപ്പെടുന്നവരും കോഴ്സിന്റെ മുഴുവൻ ഫീസും അടച്ചാൽ മാത്രമേ യഥാർത്ഥ സർട്ടിഫിക്കറ്റുകൾ തിരികെ നൽകുകയുള്ളൂ.

20. തുടർച്ചയായി 5 ദിവസങ്ങൾ ക്ലാസ്സിൽ ഹാജരാകാതിരുന്നാൽ പേര് റോളിൽ നിന്നും നീക്കം ചെയ്യും. പിന്നീട് റീ-അഡ്മിഷൻ ഫീസ് അടയ്ക്കേണ്ടി വരും.

21. അദ്ധ്യാപകർ തീരുമാനിക്കുന്ന പ്രത്യേക ക്ലാസ്സുകളിൽ വിദ്യാർത്ഥികൾ നിർബന്ധമായും പങ്കെടുക്കണം.

22. 80% ഹാജരില്ലാത്ത വിദ്യാർത്ഥികൾക്ക് ബോർഡ് പരീക്ഷകൾ എഴുതാൻ അർഹതയുണ്ടായിരിക്കില്ല.

23. ഹാജർ കുറവിനുള്ള കാരണം കാണിച്ച് രക്ഷകർത്താവ് ഒപ്പിട്ട കത്ത് പ്രിൻസിപ്പലിന് സമർപ്പിക്കണം.

24. അസുഖം കാരണം ക്ലാസ്സ് മുടങ്ങുന്നവർ മെഡിക്കൽ സർട്ടിഫിക്കറ്റ് ഹാജരാക്കണം. എന്നാൽ മെഡിക്കൽ സർട്ടിഫിക്കറ്റ് ഹാജരാക്കിയാലും മിനിമം 80% ഹാജർ പരീക്ഷ എഴുതാൻ നിർബന്ധമാണ്.

25. സ്റ്റേഷൻ ഫീസ്, വർക്കിംഗ് ഡ്രസ്സ്, ലൈബ്രറി ഫീസ്, എക്സാം ഫീസ് എന്നിവ വിദ്യാർത്ഥികൾ യഥാസമയം അടച്ചിരിക്കണം.

26. പെരുമാറ്റദൂഷ്യം കാരണം പുറത്താക്കുന്ന കാര്യങ്ങളിൽ പ്രിൻസിപ്പലിന്റെ തീരുമാനം അന്തിമമാണ്.

37. ഈ സ്ഥാപനത്തിന്റെ സുഗമമായ നടത്തിപ്പിനും അന്തസ്സിനും സൽപ്പേരിനും വിഘാതമുണ്ടാക്കുന്ന യാതൊരു പ്രവർത്തനങ്ങളും വിദ്യാർത്ഥികളുടെ പക്കൽ നിന്നുണ്ടാകാൻ പാടില്ല.

38. SSLC ബുക്ക്, TC എന്നിവ കോഴ്‌സ് പൂർത്തിയാകുന്നതിന് മുമ്പ് തിരിച്ചു നൽകുന്നതല്ല.

39. ആർട്സ് & സ്പോർട്സ് ഫീസ് ഇനത്തിൽ 700 രൂപ നിർബന്ധമായും അടച്ചിരിക്കേണ്ടതാണ്.

40. അഡ്മിഷൻ എടുത്തതിന് ശേഷം മറ്റ് കോളേജുകളിൽ പ്രവേശനം കിട്ടിയാലോ, യാത്രക്ലേശമോ വ്യക്തിപരമായ കാരണങ്ങളാലോ പഠനം നിർത്തിയാൽ അടച്ച ഫീസ് യാതൊരു കാരണവശാലും തിരികെ നൽകുന്നതല്ല.

41. കോളേജിലോ ക്ലാസ് മുറികളിലോ മൊബൈൽ ഫോൺ കൊണ്ടുവരാൻ പാടുള്ളതല്ല. മൊബൈൽ പിടിച്ചെടുത്താൽ കോഴ്‌സ് കാലാവധി കഴിഞ്ഞേ തിരിച്ചു നൽകൂ. ഇത് രക്ഷകർത്താക്കൾ പ്രത്യേകം ശ്രദ്ധിക്കണം.

42. ഏതൊരു കോഴ്‌സും തിരഞ്ഞെടുക്കാനുള്ള സ്വാതന്ത്ര്യം നിങ്ങൾക്കുണ്ട്. അത് പൂർത്തിയാക്കുമെന്ന് ഉറപ്പുണ്ടെങ്കിൽ മാത്രമേ പ്രവേശനം നേടാവൂ. ഇടയ്ക്ക് വെച്ച് നിർത്തിയാൽ ആ സീറ്റിന്റെ മുഴുവൻ ഫീസും അടയ്ക്കാൻ രക്ഷകർത്താവ് ബാധ്യസ്ഥനാണ്.

43. സ്ഥാപനത്തിൽ നിന്ന് ആവശ്യമായ ഏത് സർട്ടിഫിക്കറ്റുകൾക്കും (SSLC, TC, NCVT, KGCE) ഒരാഴ്ച മുമ്പ് നിശ്ചിത ഫോറത്തിൽ അപേക്ഷ സമർപ്പിക്കണം. വിതരണം വൈകിട്ട് 3 മണിക്ക് ശേഷമായിരിക്കും.

44. എല്ലാ വിദ്യാർത്ഥികളും കൃത്യമായ രീതിയിൽ ഇൻ ചെയ്ത യൂണിഫോം ധരിച്ചിരിക്കണം. ആൺകുട്ടികൾ മുടി നീട്ടിവളർത്തൽ, താടി വളർത്തൽ, കാതിൽ കമ്മൽ, കൈകളിൽ വളകൾ, Low waist Pant എന്നിവ ഒഴിവാക്കണം. അല്ലാത്തപക്ഷം ക്ലാസ്സിൽ പ്രവേശിപ്പിക്കില്ല.

45. കോഴ്‌സ് പൂർത്തിയാക്കിയവരോ പഠനം നിർത്തിയവരോ ആയ വിദ്യാർത്ഥികൾ ഒരു വർഷത്തിനുള്ളിൽ SSLC & TC സർട്ടിഫിക്കറ്റുകൾ കൈപ്പറ്റണം. അതിനുശേഷം വൈകുന്ന ഓരോ മാസത്തിനും 50 രൂപ വീതം Fine ഈടാക്കുന്നതാണ്.

46. ഇൻസ്റ്റിറ്റ്യൂട്ടുമായി ബന്ധപ്പെട്ട എല്ലാ അറിയിപ്പുകളും (Examination, Certificate വിതരണം) idealitc.org വെബ്സൈറ്റിലൂടെ ലഭ്യമാകുന്നതാണ്.

47. ഇൻസ്റ്റിറ്റ്യൂട്ടുമായി ബന്ധപ്പെട്ട എല്ലാ നിയമപരമായ തർക്കങ്ങളും എറണാകുളം ജില്ലാ പരിധിയിലായിരിക്കും.